Datganiad Hygyrchedd ar gyfer yr Arolwg Masnach Cymru
IFF Research Ltd sy'n cynnal y wefan arolwg hon. Rydym eisiau galluogi'r nifer fwyaf o bobl ag sy'n bosibl i gwblhau'r arolwg. Felly, rydym wedi cymryd camau i sicrhau bod y wefan mor hygyrch ag sy'n bosib. Er enghraifft, mae hynny'n golygu y dylech chi allu:
- llywio'r wefan gyfan gyda dim ond bysellfwrdd
- llywio'r rhan fwyaf o'r wefan gan ddefnyddio meddalwedd adnabod llais
- gwrando ar y rhan fwyaf o'r wefan gan ddefnyddio rhaglen darllen sgrin (yn cynnwys y fersiynau diweddaraf o JAWS, NVDA a VoiceOver)
- defnyddio chwyddwr sgrin i chwyddo rhannau o'r sgrin.
Rydym hefyd wedi gwneud testun y wefan mor syml i'w ddeall ag sy'n bosib ac wedi defnyddio cynllun - yn cynnwys ffontiau, maint y testun, a lliwiau, sy'n cyfateb i Safonau AA.
Mae gan
AbilityNet gyngor ar wneud eich dyfais yn haws ei ddefnyddio os oes gennych anabledd.
Os ydych chi’n ei chael yn anodd cymryd rhan yn yr arolwg hwn ar-lein oherwydd ei lefel o hygyrchedd, gallwch ei gwblhau dros y ffôn gyda chymorth tîm Cymorth Arolwg IFF Research:
Hygyrchedd y wefan hon
Statws cydymffurfiad
Gwyddom nad yw rhai rhannau o'r wefan hon yn gwbl hygyrch; felly mae'r wefan hon yn cydymffurfio'n rhannol â'r safon AA
Canllawiau Hygyrchedd Cynnwys y We fersiwn 2.1, oherwydd y ffactorau nad ydynt yn cydymffurfio sydd wedi eu rhestru isod.
Offer a thrafodion rhyngweithiol
Adeiladwyd a chynhaliwyd y ffurflen hon drwy feddalwedd trydydd parti a'i 'theneuo' i edrych fel ein gwefan gymaint ag y bo modd.
Rydym wedi asesu'r gost o ddatrys unrhyw broblemau pellach gyda llywio a chyrchu gwybodaeth, a gydag offer a thrafodion rhyngweithiol. Credwn y byddai gwneud hynny yn awr yn faich anghymesur mewn perthynas â'r rheoliadau hygyrchedd. Byddwn yn gwneud asesiad arall pan fydd contract y cyflenwr ar fin cael ei adnewyddu, sy'n debygol o ddigwydd yng Ngwanwyn 2021.
Cynnwys nad yw'n hygyrch
Mae'r cynnwys sydd wedi ei restru isod yn anhygyrch am y rheswm a ganlyn:
- Mae nifer o'r cwestiynau'n cynnwys tablau atodol sy'n adio'r rhifau yr ydych wedi eu darparu yn awtomatig. Mae hyn wedi ei gynnwys i wella dilysiad y data a nodir. Fodd bynnag, yn anffodus, efallai na fydd y tablau hyn yn ddarllenadwy gan bob darllenydd sgrin. Rydym wedi cynnwys 'testun amgen' (ALT-Text) yn yr achosion hyn i esbonio pwrpas y tabl. Ni fydd hyn yn effeithio ar gwblhad yr holiadur hwn.
- Mae dau gwestiwn yn defnyddio cwymplen o wledydd (ac eithrio'r DU) i ddefnyddwyr ddewis ohonynt. Mae'r gwymplen hon yn cael ei defnyddio i wneud yr arolwg yn ymarferol ac yn hawdd ei ddefnyddio fel nad oes rhaid i ymatebwyr sgrolio i lawr tudalen o bron i 200 o wledydd. Fodd bynnag, yn anffodus, efallai na fydd pob darllenydd sgrin yn medru darllen y cwymplenni hyn. Ni ddylai hyn effeithio ar gwblhau'r holiadur oherwydd gall defnyddwyr roi enwau gwledydd drwy deipio'r enw i mewn, yn hytrach na sgrolio drwy'r rhestr.
Gwybodaeth gysylltu ac adborth
Os byddwch angen yr wybodaeth sydd ar y wefan hon mewn fformat gwahanol fel PDF hygyrch, print mawr, print hawdd ei ddarllen, recordiad sain neu braille, cysylltwch â thîm cymorth arolwg IFF Research:
Byddwn yn ymateb o fewn 24 awr.
Rhoi gwybod am broblemau hygyrchedd gyda'r wefan hon
Rydyn ni'n ceisio gwella hygyrchedd y wefan hon drwy'r amser. Os cewch chi unrhyw broblemau sydd heb eu rhestru ar y dudalen hon, neu os credwch ein bod ni heb ateb gofynion y rheoliadau hygyrchedd, cysylltwch â thîm cymorth arolwg IFF Research:
Y Drefn Orfodi
Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018 (y 'rheoliadau hygyrchedd'). Os nad ydych yn hapus gyda'r ffordd yr ydym yn ymateb i'ch cwyn, cysylltwch â'r
Gwasanaeth Cefnogi a Chynghori ar Gydraddoldeb (EASS).
Gwybodaeth dechnegol am hygyrchedd y wefan hon
Mae IFF Research Ltd yn ymroddedig i wneud ei wefan yn hygyrch, yn unol â Rheoliadau Hygyrchedd Cyrff Sector Cyhoeddus (Gwefannau ac Apiau ar gyfer Dyfeisiau Symudol) (Rhif 2) 2018.
Paratoad y datganiad hygyrchedd hwn
Paratowyd y datganiad hwn yn wreiddiol ar 29 Hydref 2019. Cafodd ei adolygu a'i ddiweddaru ddiwethaf ar 15 Medi 2023. Cafodd y wefan ei phrofi ddiwethaf ar 04 Medi 2023.
Aseswyd y wefan hon - yn ei chyfanrwydd - yn erbyn safonau AA, a'i phrofi gan ddefnyddio meddalwedd darllen sgrin, ym mis Medi 2023.
